Orta Dəhlizlə yükdaşıma 25 dəfə artıb

2024-cü il ərzində Orta Dəhlizlə Çindən daşınan yüklərin həcmi 27 min konteyneri keçib.

Teleqraf.com xəbər verir ki, bu, 2023-cü ilin göstəricilərini 25 dəfədən çox üstələyir.

Görüşlər və razılaşmalar sayəsində ötən il Çindən Azərbaycana 358 konteyner blok-qatarı göndərilib. Artıq onlardan 287-si qəbul edilib.

İnfrastruktur imkanları bu il dəhlizlə 1000 və 1000-dən artıq blok-qatarın Azərbaycan ərazisi ilə daşınmasına imkan verir.