Hikmət Mirzəyevə yeni müavin təyin olundu

Azərbaycan Ordusunun Quru Qoşunları komandanına yeni müavin təyin olunub.

Teleqraf.com-un məlumatına görə, bu barədə müvafiq əmr imzalanıb.

Əmrə əsasən, general-mayor İlqar Lətifov Quru Qoşunları komandanının müavini təyin edilib.

O, uzun illərdir Azərbaycan Ordusunda xidmət edir, Birlik komandanı və başqa vəzifələrdə çalışıb.

İ.Lətifov 2020-ci ilin Vətən müharibəsində və 2023-cü ilin sentyabrın 19-20-də həyata keçirilən antiterror əməliyyatında fəal iştirak edib. Prezident İlham Əliyevin sərəncamları ilə 3-cü dərəcəli “Vətənə xidmətə görə” ordeni, “Laçının azad olunmasına görə” və “Xocavəndin azad olunmasına görə” medalları ilə təltif olunub.

Xatırladaq ki, Quru Qoşunları komandanı "Vətən Müharibəsi Qəhrəmanı" general-polkovnik Hikmət Mirzəyevdir.