Bel kəmərində beşbarmaq aşkar olundu

Gürcüstandan Azərbaycana gələn vətəndaşda beşbarmaq aşkar olunub.

Dövlət Gömrük Komitəsindən Teleqraf.com-a verilən məlumata görə, Balakən Gömrük İdarəsinin “Mazımçay” gömrük postunda Gürcüstan istiqamətindən postun piyada xəttinə daxil olan Azərbaycan Respublikasının vətəndaşının üzərində aparılan yoxlama zamanı ona məxsus bel kəmərinin başlığına bərkidilmiş beşbarmaq aşkar olunaraq protokol əsasında götürülüb.

Faktla bağlı araşdırma aparılır.

İlhamə ƏBÜLFƏT