"Azəriqaz" daha bir yeniliyə start verdi - Video

Son günlər sosial şəbəkələrdə təbii qaz sərfiyyatının bildirişlərinin vaxtında verilməməsi kimi paylaşımlara rast gəlinir. Həmçinin abonentlərə "ASAN Kommunal" mərkəzlərinə yaxınlaşaraq sərfiyyatları haqqında məlumat ala bilmələri haqqında paylaşımlar olunur.

Teleqraf.com-un "Azəriqaz" İstehsalat Birliyinə istinadla xəbər verir ki, cari ilin aprel ayından Birlik yeniliyə start verib.

Sonradan ödənişli (mexaniki tipli) sayğac və əvvəldən ödənişli (smart-kart tipli) sayğac istifadə edən abonentlər onlara lazım olan bir sıra mühüm məlumatları Birliyin 104/185 Çağrı mərkəzinə zəng etmədən, özləri də əldə edə bilirlər.

Bunun üçün www.azeriqaz.az saytına daxil olaraq borcunu/limitini öyrən pəncərəsinə keçid etmək lazımdır. Abunəçi kodu və ya sayğac nömrəsini qeyd edərək borcunu öyrən düyməsinə klik edilir. Abonent bu səhifəyə daxil olduqdan sonra son ödəniş tarixi, son ödəniş məbləği, Tarif (qiymət) Şurasının təbii qazdan istifadə tarifləri haqqında məlumatı, cari il ərzində abonentin təbii qazdan hansı limit tarifində istifadə etdiyi, növbəti limit mərhələsinə keçid edəcəyinə dair və bir sıra bütün lazımi məlumatlarla yaxından tanış ola bilər.

Daha ətraflı videomaterialdan izləyə bilərsiniz: