MİDA mənzilləri satışa çıxardı: "Hüquq-mühafizə orqanları nəzarət edir"

"Bu gün Mənzil İnşaatı Dövlət Agentliyi (MİDA) tərəfindən Yasamal rayon İkinci Yaşayış Kompleksi üzrə mənzillərin satışı həyata keçiriləcək".

Teleqraf.com xəbər verir ki, bunu MİDA-nın Aparat rəhbəri Fərman Qurbanlı keçirilən mətbuat konfransında bildirib.

O qeyd edib ki, mənzil seçimlərinin edilməsi ilə bağlı proses hüquq-mühafizə orqanlarının nəzarətindədir:

"Hər hansı bir qeyri-qanuni hərəkət müəyyən edilərsə, dərhal tədbir görüləcək. Prosesə ümumilikdə 11 bank qoşulub".

Ümumilikdə 18 binadan 815 mənzil satışa çıxarılıb.