Ötən ay pensiya alanların sayı açıqlandı

2024-cü ilin avqust ayında ailə başçısını itirməyə görə 191 176 nəfərə pensiya və müavinət ödənilib.

Bu barədə Teleqraf.com-a Dövlət Sosial Müdafiə Fondundan məlumat verilib.

Qeyd edilib ki, onlardan 136 873 nəfəri pensiya, 54 303 nəfəri isə müavinət alıb.

Xatırladaq ki, sentyabrın 10-da Bakı və Sumqayıt şəhərləri, Abşeron rayonunda, bu gün isə ölkəmizin bölgələrində yaşayan şəxslərin sentyabr ayı üzrə pensiyaları, habelə güzəştli şərtlərlə təyin edilmiş pensiyalar ödənilib.