Minik maşını at arabası ilə toqquşdu

Bu gün axşam saatlarında Xaçmazda yol-nəqliyyat hadisəsi baş verib.

APA-nın şimal bürosunun verdiyi məlumata görə, hadisə Xaçmaz-Quba yolunun 1-ci km-də qeydə alınıb. “10 NR 162” dövlət nömrə nişanlı “VAZ 2106” markalı avtomaşın alma ilə dolu at arabası ilə toqquşub.

Qəza nəticəsində xəsarət alan olmayıb.

Faktla bağlı Xaçmaz rayon Polis Şöbəsinin Dövlət Yol Polis Bölməsində araşdırmalar davam etdirilir.