Bakı sirki loqotipini yenilədi, fəaliyyəti də dəyişəcək - Foto

Bakı Dövlət Sirkinin loqotipi yenilənib.

Bu barədə Teleqraf.com-a Bakı Dövlət Sirkinin mətbuat katibi Gülşanə Mustafayeva məlumat verib.

Yeni loqotipdə 12 sirk elementindən istifadə olunub.

Bakı Dövlət Sirkinin yeni quruluşda olan loqotipinin xüsusi ideyası ondan ibarətdir ki, sirk yeni mövsümdən etibarən ilin bütün fəsillərində fəaliyyət göstərəcək.

Qırmızı rəngdə üçbucaqlardan ibarət 12 element birləşərək sirk binasının dam örtüyünün formasını alıb.

Bu məqam ona işarədir ki, Bakı Dövlət Sirki dünya standartalarına cavab verən sirk proqramı ilə ilin bütün fəsillərində sirksevərləri qarşılamağa, onlara qucaq açmağa hər zaman hazırdır.

Mətbuat katibi bildirib ki, yeni mövsümdən etibarən Bakı Dövlət Sirkində il boyunca maraqlı sirk nömrələri nümayiş olunacaq.