Bakıda Rüstəm İbrahimbəyovun muzeyi yaradıla bilər

Bu gün 85 illik yubileyi qeyd olunan Azərbaycanın xalq yazıçısı, dramaturq, ssenarist və rejissor, Rusiya Federasiyasının Əməkdar incəsənət xadimi Rüstəm İbrahimbəyovun Bakıda muzeyinin açılışı planlaşdırılır.

Teleqraf.com xəbər verir ki, bu barədə dramaturqun qızı, aktrisa, rejissor və ssenarist Fatimə İbrahimbəyova TASS-a bildirib.

F.İbrahimbəyova qeyd edib ki, yubiley ilində onun kitablarının Azərbaycan dilinə tərcüməsi və retrospektiv nümayişləri də planlaşdırılır.

"Planlar çoxdur, ümid edirəm ki, gələcəkdə onun muzeyini yaratmaq mümkün olacaq. Biz hər vəchlə bunun üzərində işləyirik. Mən bunu Rusiyada etmək istərdim, amma Bakıda təşkil etmək daha asandır.

Atamın kitabları çıxır, biz türk dilinə tərcümə etmişik, indi ikicildlik Azərbaycan dilində çıxacaq. Bakıda bu ikicildliyin təqdimatını edəcəyik. Vaxtilə "Azərbaycanfilm"də çəkilmiş, bərpa edilmiş bəzi filmlər var. Bunlar rejissor Rasim Ocaqovun çəkdiyi məşhur filmlərdir", - o deyib.

R.İbrahimbəyov “Səhranın bəyaz günəşi” (1969-cu il), “Günəşdən usanmışlar” (1994), “Məni saxla, talismanım” (1986), “Urqa – məhəbbət ərazisi” (1986) kimi filmlərin həmmüəllifi olub. 1991), "Sibir bərbəri" (1998) və bir çox başqa filmlərin həmmüəllifidir. O, ümumilikdə 60-dən çox filmin ssenari müəllifi, prodüseri olub. SSRİ və Rusiyanın dövlət mükafatlarına layiq görülüb, “Oskar” və “Qızıl Aslan” mükafatları var. İbrahimbəyov müxtəlif ölkələrin yüzdən çox teatrında tamaşaya qoyulmuş 15 teatr tamaşasının müəllifidir. Ədəbi əsərləri ingilis, alman, fransız, çex və başqa dillərə tərcümə olunub.