Kişi voleybolçularımız son oyunda da məğlub oldu - qardaş Türkiyəyə

“Bakı 2015” Birinci Avropa Oyunlarında kişilər arasında voleybol yarışları növbəti günü baş tutur.

Teleqraf.com xəbər verir ki, Azərbaycan və Türkiyənin kişilərdən ibarət voleybol komandaları arasında görüş keçirilib. Birinci setin ilk texniki fasiləsinə Azərbaycan geridə ayrılıb: 5-8. İkinci texniki fasiləyə komandamız məğlub yollanıb: 10-16. İlk seti Türkiyə komandası qazanıb: 25-18.

İkinci setin birinci texniki fasiləsinə türkiyəlilər öndə ayrılıb: 8-5. Komandamız ikinci texniki fasiləyə 10-16 hesabı ilə məğlub yollanıb. Bu hissədə də komandamız məğlub olub: 25-17.

Üçüncü setin ilk texniki fasiləsinə komandamız 8-6 hesabı ilə üstün yollanıb. İkinci texniki fasiləyə türkiyəli idmançılar üstün ayrılıb: 16-15. Azərbaycan üçüncü hissədə 25-22 hesabı ilə qələbə əldə edib.

Dördüncü setdə Türkiyə kollektivi ilk texniki fasiləni 8-5 hesabı ilə başa vurub. İkinci texniki fasiləyə komandamız geridə yollanıb: 15-16. Bu setdə də komandamız uğurlu çıxış edərək, 25-21 hesabı ilə qalibiyyətə sevinib.

Beşinci, həlledici setdə Türkiyə idmançıları 20-28 hesabı ilə üstün olaraq, oyunu qələbə ilə başa vurub: 3-2.

Fransa 3-2 Serbiya

Fransa və Serbiya komandaları qarşılaşıb. Serbiya kollektivi birinci seti öz xeyrinə başa vurub: 25-21. İkinci hissədə fransızlar məğlub olub: 25-17. Üçüncü setdə Fransa komandası 25-23 hesabı ilə qələbəyə sevinib.

Dördüncü setdə fransızlar hesabı bərabərləşdirib: 25-18. Beşinci setdə də 15-10 hesabı ilə qələbə qazanan Fransa voleybolçuları ümumi oyunu qalibiyyətlə başa vurub: 3-2.

Bolqarıstan 3-0 Slovakiya

Bolqarıstan və Slovakiya komandaları qarşılaşıb. Birinci setdə bolqarlar 25-14 hesabı ilə qələbə qazanıb. İkinci hissədə də Slovakiya məğlub olub: 25-17. Bolqarlar üçüncü setdə də qələbə qazanaraq, ümumi oyunun qalibi olub: 25-19 (3-0).

Belçika 0-3 Almaniya

Belçika və Almaniya komandaları qarşılaşıb. İlk hissədə Almaniya 25-22 hesabı ilə qalib gəlib. İkinci setdə Belçika kollektivinin uğursuzluğu davam edib: 11-25. Üçüncü hissədə də almanlar üstünlük qazanaraq, oyunu qalibiyyətlə başa vurub: 25-21.

Polşa 3-0 Finlandiya

Günün ilk qarşılaşması “A” qrupunda yer alan Polşa və Finlandiya komandaları arasında keçirilib. İlk setdə polşalılar 25-21 hesabı ilə qalib gəlib. Polşa komandası ikinci hissəni də qalibiyyətlə bitirib: 25-20. Üçüncü setdə Finlandiya kollektivi 10-25 hesabı ilə darmadağın edilib: 3-0.

Bu gün daha 1 qarşılaşma keçiriləcək:

Saat 22:00-daB qrupu İtaliya - Rusiya