Rusiyada milli zəmində hər ay iki adam öldürülüb

Bu ilin əvvəlindən Rusiyada xaricilərə nifrət zəminində 13 adam öldürülüb və 61 adam xəsarət alıb.

“AzadlıqRadiosu”nun məlumatına görə, Moskvada yerləşən “Sova” mərkəzi iyulun 9-da bu haqda açıqlama yayıb.

Məlumata əsasən, təkcə Moskvada ilin birinci yarısında milli zəmində 5 adam öldürülüb, 13 adam xəsarət alıb.

Milli zəmində hücuma məruz qalanların əksəriyyəti Orta Asiya və Qafqazdan olan mühacirlərdir.

Hücum olunanlar arasında Yaponiya və Afrika ölkələrinin də vətəndaşları var.