İtaliya səfirliyində bayraq yarıya qədər endirildi

İtaliyanın Bakıdakı səfirliyi Qazaxıstanın Aktau şəhəri yaxınlığında AZAL sərnişin təyyarəsinin qəzaya uğraması nəticəsində həlak olanların xatirəsinə Azərbaycanda matəm günü ilə əlaqədar bayrağı yarıya endirib.

Teleqraf.com xəbər verir ki, bu barədə səfirliyin "X" sosial şəbəkəsindəki hesabında paylaşım edilib.

"Azərbaycan xalqı ilə həmrəylik əlaməti olaraq İtaliya səfirliyi bayraqları yarıya endirib. Düşüncələrimiz faciəli təyyarə qəzasının qurbanları və zərərçəkənlərin ailələri ilədir", - paylaşımda qeyd olunub.