Paşinyandan sərhəd açıqlaması: “Bu xəritələr əsasında iş görülməlidir”

“Azərbaycanla sərhədlərin demarkasiyası və delimitasiyasına ən qısa zamanda başlamaq lazımdır”.

Teleqraf.com xəbər verir ki, bunu parlamentdəki çıxışında Ermənistan Baş naziri Nikol Paşinyan deyib.

“Təəssüf edirəm ki, yazda planlaşdırılan nəticəni əldə etmək mümkün olmadı. Ermənistan-Azərbaycan sərhədinin bir sıra hissələrində qeyri-sabit vəziyyət bu proseslərin başlaması üçün ciddi təhlükədir”, - baş nazir qeyd edib.

Paşinyanın sözlərinə görə, Ermənistan və Azərbaycan qoşunları sovet xəritələrinə əsaslanaraq mövqe tutmalıdır.

O, Ermənistan tərəfinin buna uyğun olaraq addım atmağa hazır olduğunu söyləyib.