İrəvanda anti-Paşinyan mitinqləri – Meydana nə qədər etirazçı çıxır?

Dünən Ermənistan müxalifətinin nümayişinin pik nöqtəsində 5600 nəfər iştirakçı olub. Bu, fərdi hesablama yolu ilə həyata keçirilib.

Teleqraf.com xəbər verir ki, bu barədə “Məlumatlı Vətəndaşlar” Birliyinin koordinatoru Daniel İoannisyan məlumat verib.

“Yoxlamaq çox asandır, saytımızda məlumat var. Buyurun, yoxlayın, düzgün saymışıq, On faizdən çox səhv tapsanız, meydanda üzr istəyəcəyik, əks halda etirazçıları heç vaxt saymayacağıq”, - İoannisyan deyib.

O qeyd edib ki, əlverişli bucaqlardan çəkilmiş şəkillərə qarşı israr etməyə ehtiyac yoxdur:

“Hesablamamız təəssürat və ya göz ölçüsü ilə deyil, bir-bir aparılır, bütün insanlar nömrələnir. Səhv hesablasaydıq, çoxdan ifşa olardıq”.

“Məlumatlı Vətəndaşlar” Birliyi İrəvanda keçirilən dünənki mitinqin iştirakçılarının hesabını aparıb. Nəticədə axşam saatlarına olan məlumata görə, “Fransa” meydanı və ətrafında 5600-ə yaxın insanın yığışdığı məlum olub.