Naxçıvandan gələn yolda ağır qəza: Xəsarət alanlar var

Biləsuvarda yol qəzasında xəsarət alan şəxsin kimliyi məlum olub.

Teleqraf.com "Report"a istinadla xəbər verir ki, qəza nəticəsində ağır xəsarət alan Naxçıvan şəhər sakini, 1977-ci il təvəllüdlü Təhminə Ələcova Biləsuvar Rayon Mərkəzi Xəstəxanasının reanimasiya şöbəsinə yerləşdirilib.

Qeyd edək ki, Naxçıvandan Bakıya gedən avtobus Biləsuvar rayonu ərazisində betonqarşdıran "Kamaz"la toqquşub. Qəza nəticəsində yük maşınının çəni yaxındakı minik avtomobilinin üzərinə aşıb.

Faktla bağlı araşdırmalar davam etdirilir.

***

Biləsuvar rayonunda ağır yol qəzası baş verib.

Hadisə köhnə Bakı-Astara magistralının rayon ərazisindən keçən hissəsində qeydə alınıb.

Naxçıvandan gələn avtobusla "Kamaz" toqquşub.

İlkin məlumata görə, yaralılar var.

Faktla bağlı araşdırma aparılır.