SOCAR fevralda 576,2 min ton neft hasil edib

Bu ilin fevralında SOCAR üzrə xam neft hasilatı 576,2 min ton olub. Ötən ay Azərbaycanda isə ümumilikdə 2 milyon 975,7 min ton neft hasil edilib.

SOCAR-dan Teleqraf.com-a verilən məlumata görə, cari ilin yanvarında SOCAR üzrə xam neft hasilatı 645,1 min ton, Azərbaycanda isə ümumilikdə 3 milyon 367,5 min ton təşkil edib.

2016-cı ildə SOCAR üzrə neft hasilatı 7 milyon 522,4 min ton, ölkə üzrə isə ümumilikdə 41 milyon 34,5 min ton olub.