“Qış müharibəsi” rəsmən başladı: Rusiya təbii qaz satışını dayandırdı

Moskvanın Ukraynaya müdaxiləsinə görə ona qarşı sanksiyalar ləğv olunmasa, Rusiyanın “Şimal axını 1” boru kəməri ilə Avropaya qaz nəqli tam bərpa olunmayacaq.

Teleqraf.com xəbər verir ki, bunu Kreml bəyan edib.

“Qazprom” daha əvvəl texniki nasazlıq səbəbindən “Şimal axını 1”də axınları dayandırdığını bildirsə də, yeni açıqlama ilə sanksiyalar qaldırılana qədər təbii qazın verilməyəcəyini açıqlayıb.

Avropanın ən böyük virtual ticarət platforması olan TTF indeksi üzrə oktyabr fyuçerslərinin qiyməti sentyabrın 2-də hər min kubmetr üçün 214,66 avro təşkil edib.

Bu gün ticarət sessiyasının sonunda qiymət 26% artaraq 270.23 avro olub.