“Çilov” yatağında yeni quyu qazılır

“Çilov” yatağındakı 112 saylı özüldən 114 nömrəli quyuda qazma işlərinə başlanılıb.

Azərbaycan Respublikası Dövlət Neft Şirkətinin (SOCAR) mətbuat xidmətindən Teleqraf.com-a verilən məlumata görə, layihə dərinliyi 1450 metr olan quyu kompleks qazma işləri tresti tərəfindən qala-4 lay dəstəsinə qazılır. Quyudan sutkada 5 ton neft hasil ediləcək.

Quyuda istismar işləri “28 May” neft və qazçıxarma idarəsi tərəfindən həyata keçiriləcək.