Uzun illərdən sonra səhnəyə çıxan aktrisa: “Qismət olsa, qayıdaram”

“Övladımın iki yaşı var, üç yaşına kimi analıq məzuniyyətindəyəm. Ondan sonrası ilə hələ bəlli deyil. Hər şey sual altındadır”.

Bu sözləri Teleqraf.com-a açıqlamasında əməkdar artist Məsmə Aslanqızı deyib. Aktrisa uzun illərdən sonra “Boy çiçəyi” tamaşasında Nargilə obrazı ilə yenidən səhnəyə çıxıb: “Dəvəti tədbirlə əlaqədar olaraq qəbul etdim. Amma bu yenidən səhnəyə qayıtdığım anlamına gəlməli deyil. Çünki hazırda analıq məzuniyyətindəyəm. Sonra nə olacaq bilmirəm. Qismət olsa, teatra qayıdaram”.

Oktyabrın 2-də Akademik Milli Dram Teatrında nümayiş olunan tamaşa İlyas Əfəndiyevin anım gününə həsr olunub.

Nərmin