Türk məşhurları Azərbaycana başsağlığı verdilər

Türkiyəli məşhurlar Azərbaycana başsağlığı veriblər.

Teleqraf.com xəbər verir ki, Seda Sayan İnstaqram səhifəsində "Başımız sağ olsun, Azərbaycan" deyə vurğulayıb.

Hadisə İnstaqramda hekayə bölümündə bu sözləri qeyd edib: "Azərbaycanda şəhid olan qardaşlarımıza Allahdan rəhmət, yaralılara tezliklə sağalmasını arzu edirəm. Başsağlığı verirəm".

TV 8 televiziyasının rəhbəri Acun Ilıcalı "Azərbaycan ordusunun qəhrəman şəhidlərinə Allahdan rəhmət, qardaş Azərbaycan xalqına isə başsağlığı diləyirəm"-deyib.

Müğənni Demet Akalın "Azərbaycan 50 şəhid...Başınız sağ olsun", - vurğulayıb.

Müğənni Özcan Dəniz isə "Can Azərbaycan başın sağ olsun. Kədərinizi paylaşırıq və şəhidlərimizə rəhmət, bütün Azərbaycan xalqına səbr diləyirəm", - deyə qeyd edib.

Müğənni Alişan "Can Azərbaycan şəhidlərimizə Allahdan rəhmət diləyirəm", - yazıb.