Rəqsanə Moskvada saxlanıldı

Azərbaycanın tanınmış müğənnisi Rəqsanə İsmayılova Moskvada qanunsuz miqrasiyanın təşkilinə görə cinayət işi üzrə saxlanılıb.

Teleqraf.com xəbər verir ki, bu barədə "vchkogpu" teleqram kanalı məlumat yayıb.

Bildirilib ki, İsmayılova Rusiya Federasiyası Cinayət Məcəlləsinin “Rüşvət vermə” və “Sənəd saxtakarlığı” maddələri ilə ittiham olunur.

Rəqsanə İsmayılova Solntsevo Daxili İşlər Nazirliyinin idarəsinin əməkdaşı Yelena Smirnovaya qarşı 2023-cü il işində şahid qismində dindirilib. Qurbanov soyadlı şəxslə əlbir olaraq ona və ən azı iki nəfər azərbaycanlıya pasport verib.

Məlumatlara görə, müğənninin dindirilməzdən əvvəl müstəntiqə təqdim etdiyi 2 yox, 3 pasportu da saxta məlumatlarla hazırlanıb, eyni zamanda 2019-cu ildə həmin şəxsdən alınıb, hazırda istintaqdadır. Müstəntiqlərin fikrinə görə, Rəqsanə İsmayılova Qurbanova Smirnovaya verməsi üçün 650 min rubla yaxın pul köçürüb. Qurbanov sübut olunmuş variant vasitəsilə ona yeni sənəd almağa kömək edib. 2 aprel 2023-cü ildə bu faktla bağlı cinayət işi açılıb və müğənni barəsində heç yerə getməmək barəsində qərar çıxarılıb.