Fərqanə Qasımovadan tənqidlərə cavab...

Əməkdar artist Fərqanə Qasımovanın “Bir gün” verilişindəki fikirlərinin sosial şəbəkədə tənqidi davam edir.

Teleqraf.com xəbər verir ki, Fərqanə Qasımova İnstaqramda hekayə bölümündə Cəlil Məmmədquluzadənin "Molla Nəsrəddin" jurnalından bir hekayə paylaşaraq belə cavab verib: "Haqqımda bilib-bilmədən şərh yazan "millətim"ə ən gözəl cavabı, Allah rəhmət eləsin, Cəlil Məmmədquluzadə verib. Mollanın dili ilə...", - deyə şəbəkə istifadəçilərinə cavab verib.

Qeyd edək ki, Fərqanə Qasımovanın proqramda özünü "əfsanə qadın" adlandırması və həbsdə olan həyat yoldaşı Elnur Mövlamov haqqındakı fikirləri sosial şəbəkədə geniş müzakirələrə səbəb olub.