Xaçmazda oğurluq edən yevlaxlı tutuldu

Xaçmaz rayonunda evdən xeyli miqdarda pul oğurlanıb. Teleqraf.com xəbər verir ki, oğurluq hadisəsi rayon sakini Anvarjon Xamzayevin evində baş verib.

Anvarjon Xamzayev Xaçmaz rayon polis şöbəsinə müraciət edərək bildirib ki, evindən 3700 manat və 18000 rubl oğurlanıb. Polis əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən Yevlax rayon sakini Seyran Nadirov tutulub.

Faktla bağlı Cinayət Məcəlləsinin 177-ci (oğurluq) maddəsi ilə cinayət işi başlanıb.

Hacı Zeynalov