Bekhemdən Ronaldoya mesaj

İngiltərə futbolunun canlı əfsanəsi Devid Bekhem "Real"ın ulduz futbolçusu Kriştiano Ronaldonun "Mançester Yunayted"ə qayıtmasını istəyir.

Teleqraf.com xəbər verir ki, bu barədə "TalkSport" məlumat yayıb. Məşhur futbolçu portuqaliyalı haqda belə danışıb:

"Ronaldonun karyerasında 500 qolu belə tez bir zamanda vurmağı sadəcə inanılmazdı. Onu təbrik edirəm. Əminəm ki, "Real" onunla çox fəxr edir.

Ronaldo və Messi kimi futbolçular hər zaman olmur. Onlar lap çox işləyirlər. Məhz buna görə öz övladlarıma və digər uşaqlara həmişə izah edirəm ki, bu oyunçular yalnız inadkar əmək nəticəsində belə yaxşı çıxış edirlər.

"Mançester Yunayted" azarkeşi kimi, əlbəttə, mən istəyərdim ki, Ronaldo qayıtsın. Bu, çox yaxşı olardı.

Ancaq hazırda onu "Real"da hər şey qane edir. Azarkeşlər portuqaliyalını sevirlər. Ona görə Ronaldo indi "Real"ın siması kimi dünyaya səs salıb".

Rüstəm