Mehriban Xanlarova: “Onun soyadı mənə bəsdir...”

Kərim üzr istəməlidir, başqa yolu yoxdur...

Əməkdar artist Mehriban Xanlarova Teleqraf.com-un suallarını cavablandırıb.

- Mehriban xanım, müğənni Kərimi sizi təhqir etdiyi üçün məhkəməyə vermişdiniz. Məhkəmə prosesi nə yerdədir?
- Davam edir hələ. Üzr istəməlidir. Başqa yolu yoxdur.

- Üzr istəməsə, bağışlamayacaqsız?
- Xeyr, bağışlamayacam. Ən yaxşısı budur, məndən yazılı şəkildə üzr istəsin.

- Bir müddət əvvəl Flora Kərimovanın Zeynəb Xanlarova haqqında “Zeynəbin ifa etməsi sənət və sənətkarlıq deyil” fikrinə siz də sərt reaksiya verdiniz. Bu, Flora xanımla münasibətinizə nə dərəcədə təsir etdi?
- Ondan sonra Flora xanımla heç bir tədbirdə qarşılaşmamışam. Bəli, mən bir dəfə cavab verdim. Zeynəb xanım mənim canım, qanımdı, susa bilməzdim.

- Sizi heç Zeynəb Xanlarovayla birlikdə görmürük. Səbəb nədir?
- Zeynəb xanımla münasibətlərimiz çox gözəldir. Zeynəb xanımın evinə də gedirəm. Şəhərə çıxan deyil, sözümüz olanda evinə gedirik, qonağı oluruq.

- Heç dəstək üçün müraciət etmisinizmi Zeynəb xanıma?
- Mənə soyadı bəsdir...

Rəqsanə