Dünyanın ən böyük biorəsmi

Rəssam Saype İsveçrədə Leyzan vadisindəki Şo-de-Mont yamacında dünyada ən böyük biorəsmi çəkib.

Fransalı rəssam Qiyom Leqro fırçaların əvəzinə tozlandırıcı, kətanın əvəzinə isə Alp çəmənliklərindən istifadə edib. Ot rəsm üzərində o, yaşlı çobanı təsvir edib. "Hətta bu nəhəng rəsm belə təbiətin fonunda çox kiçik görünür. Mən məhz bunu göstərməyə çalışırdım", - deyə ideyanı Qiyom Leqro izah edib.

Bundan öncə Saype ot üzərində qız və oğlan rəsmlərini çəkmişdi. Lakin təəssüf ki, Saypenin biorəsmləri bir mövsüm yaşayır. Otlar uzandıqdan sonra rəsm tədricən öz formalarını itirir.