Bələdiyyə seçkiləri: 20 məntəqə üzrə 19 dairə yekun protokolu hazırlayacaq

Yanvarın 29-na təyin olunmuş bələdiyyə seçkilərində əraziləri bir neçə seçki dairəsi arasında bölünmüş bələdiyyələr üzrə seçkilərin yekunlarının müəyyən olunması prosesi təsdiqlənib.

Teleqraf.com xəbər verir ki, bu barədə Mərkəzi Seçki Komissiyasının (MSK) iclasında məlumat verilib.

MSK-nın katibi Arifə Muxtarovanın təqdimatına əsasən, siyahı komissiya üzvlərinə təqdim olunub.

Bildirilib ki, 20 məntəqə üzrə 19 dairə yekun protokolu hazırlayacaq.

Sonda məsələ səsə qoyularaq qəbul edilib.