"Bu dərman koronavirusu tam aradan qaldırır" - Şok iddia

"Bir anti-parazit dərmanı olan IVERMECTIN-nin çox qüvvətli təsirə malik olduğu laboratoriya şəraitində ortaya çıxıb. Bununla bağlı araşdırma məqaləsi "Antiviral Research" jurnalında çıxıb. Araşdırmaçılar dərmanın bir dozunun 24 saat içində viral RNT- də (ing. RNA) 93%, 48 saatda isə 5.000 dəfə daha azalma göstərdiyini müşahidə etdilər. Avstraliyalı araşdırmaçılar bu kəşflə IVERMECTIN-nin 48 saat ərzində COVID-19-un bütün genetik materialını ortadan qaldırdığını söyləyirlər".

Bu fikirləri jurnalist İbrahim Nəbioğlu sosial şəbəkə hesabına yazıb. O dərman haqqında olan ümidverən xəbərlərini bir yerə toplayıb:

"1. IVERMECTIN-nin tək bircə dozunun virusun genetik materialını 5.000 dəfə azaltması onun tamamən aradan qaldırdığını göstərən bir kəşfdir.

2. IVERMECTIN-dən bütün dünyada yetəri qədər var, çünki WHO-nun "Vacib dərmanlar" siyahısındadır.

3. IVERMECTIN-in anti-viral təsirə malik olduğu daha əvvəllər də dəfələrlə təsdiqlənib.

4. IVERMECTIN-in anti-parazit dərmanı üçün FDA (U.S. Food and Drug Administration) təsdiqi zatən var. Yəni onun insanların istifadəsi klinik test və icazə prosedurlarının çox qısa müddətdə alınması mümkündür və bunu edəcəklər.

Çoxları kimi mənim də ən sevindiyim xüsus ondadır ki, rəqabət mühiti çox ciddi dərəcədə hərəkətə keçib və "kim tez bitirəcək" yarışı nəinki ölkələr arasında, hətta eyni ölkə içindəki universitet və klinikalar arasında görünməmiş bir həvəsə dönüşüb. İnsanlığa xidmət etmə istəyi fərqli duyğudur demək ki".