“Yeni Azərbaycan”a yeni baş redaktor: Alqış Həsənoğlu geri qayıtdı

Hakim Yeni Azərbaycan Partiyasının mətbuat orqanı olan “Yeni Azərbaycan” qəzetinə yeni baş redaktor təyin olunub.

Teleqraf.com-un xəbərinə görə, YAP-ın İdarə Heyətinin qərarı ilə bu vəzifəyə Alqış Musayev (Həsənoğlu) təyin olunub.

Qeyd edək ki, qəzetin bundan əvvəlki baş redaktoru deputat Hikmət Babaoğlu idi.

Alqış Həsənoğlu 1969-cu ildə Zəngəzur mahalının Mehri rayonunun Nüvədi kəndində anadan olub. 1994-cü ildə Bakı Dövlət Universitetinin filologiya fakültəsini bitirib.

1997–2008-ci illərdə "Yeni Azərbaycan" qəzetinin baş redaktoru olub. Azərbaycan Respublikası II çağırış Milli Məclisin deputatı seçilib.

Filologiya elmləri namizədidir. Evlidir, bir oğlu, bir qızı var.