Ətotunun inanılmaz faydaları: Arıqladır, yaddaşı gücləndirir...

Ətotu, başqa adı ilə rozmarin bitkisi sağlamlığın dostu hesab edilir. Rozmarin faydaları və sağaltdığı xəstəliklərlə insanları özünə heyran edir. Çox təsirli və bitki mənşəli bir vasitə olan rozmarinin bir çox istifadə sahəsi var. Bu bitki qaraciyərdəki yağları nəzarətdə saxlayır, qəbizliyi aradan qaldırır, revmatizm xəstəliyinin qarşısını alır.

Teleqraf.com xəbər verir ki, mütəxəssislərin fikrincə, ətotu bitkisi əsəbləri sakitləşdirir, yuxusuzluğu və stressi aradan qaldırır.

Qurudulmuş rozmarindən yeməklərdə istifadə olunur və xüsusi dad verir. Bu ədviyyat, əsasən, salatlara həmçinin balıq, kartof və ətlərə əlavə olunur. Rozmarin dərman ətirli bitkilər arasında diqqəti cəlb edir. Bu bitki xüsusilə rozmarin yağı və rozmarin çayı kimi müxtəlif formalarda istifadə edilir və sağlamlıq, gözəllik və ümumi həyat keyfiyyətlərinə çoxlu faydalar təmin edir.

Rozmarin yağının faydaları

Saç sağlamlığını dəstəkləyir: Rozmarin yağı saçların sürətli böyüməsinə kömək edir və ağarmanın qarşısını alır.

Dəri problemlərinin həlli: Antimikrobial xüsusiyyətləri sayəsində sızanaq kimi dəri problemlərinə qarşı təsirlidir.

Ağız və diş sağlamlığını qoruyur: Ağız qarqarası olaraq istifadə edildikdə ağızdakı bakteriyaları təmizləyərək diş sağlamlığını qoruyur.

Stressi azaldır: Tənəffüs stressini idarə etməyə kömək edir.

İltihab əleyhinə təsir: Oynaq iltihabını aradan qaldırmaq və ağrıları azaltmaq üçün antiinflamatuar xüsusiyyətlərə malikdir.

Rozmarin çayı necə dəmlənir?

Çaydanda bir stəkan su qaynadılır. Qaynar suya yarım ovuc və ya 1 çay qaşığı rozmarin əlavə edib təxminən 5 dəqiqə dəmlənir. Dəmləndikdən sonra rozmarini süzüb suyunu içmək lazımdır. Dadı acıdırsa, bal və ya limon suyu ilə şirinləşdirmək mümkündür.

Rozmarin çayının faydaları

Oksidləşdirici stressi azaldır: Antioksidan komponentləri olan rozmarin çayı oksidləşdirici stressi azalda bilər.

Qan şəkərini nəzarət altında saxlayır: Bəzi tədqiqatlar rozmarin çayının qan şəkərini balanslaşdırmağa müsbət təsir göstərə biləcəyini göstərir.

Yaddaşı gücləndirir: Stressi azaltmaqla yanaşı, rozmarin çayı da yaddaşı gücləndirməyə kömək edə bilər.

Beyin sağlamlığını dəstəkləyir: Rozmarin çayının tərkibindəki komponentlər beyin hüceyrələrinin zədələnməsinin qarşısını almaqda təsirli ola bilər.

Göz sağlamlığını qoruyur: Zəngin qida tərkibi sayəsində göz sağlamlığını qoruyur.

Həzmi tənzimləyir: Bağırsaq florasının tarazlığını qoruyaraq həzmi tənzimləməkdə təsirli ola bilər.

Arıqlamağa kömək edə bilər: Həzm prosesinə müsbət təsiri ilə çəki nəzarətini dəstəkləyə bilər.

Rozmarin çayı içməklə və ya saça tətbiq etməklə sağlamlıq üçün müsbət təsir əldə etmək olar.