İxtisas seçimi başa çatır: Ərizəsini təsdiq edilənlərin sayı

Ali təhsil müəssisələrinə ixtisas seçiminin başa çatmasına saatlar qalıb. Ali məktəblərin bakalavr pilləsinə qəbul olunmaq istəyən abituriyentlərin ixtisas seçimi avqustun 19-u saat 23:59-da bitəcək.

Teleqraf.com xəbər verir ki, bununla bağlı Dövlət İmtahan Mərkəzindən məlumat verilib.

19 avqust saat 13:15-ə olan məlumata əsasən I-V ixtisas qrupları üzrə 79466 abituriyent ərizəsini təsdiq edib. Müsabiqədə yalnız elektron ərizələrini təsdiq etmiş abituriyentlər (subbakalavrlar) iştirak edə biləcəklər. Ərizəsini təsdiqləməyən abituriyentlər müsabiqəyə buraxılmırlar.

Qeyd edək ki, beş ixtisas qrupu üzrə ümumilikdə 58610 plan yeri müəyyən edilib. Bu yerlərdən 27834-nə tələbə qəbulu dövlət sifarişi əsasında aparılır.