Bakı-2015: Gimnastlarımız yarımfinalda - CANLI YAYIM - YENILƏNIR

11.59

Azərbaycanın idman akrobatikası üzrə qadınlardan ibarət komandası I Avropa Oyunları çərçivəsində 27,680 xallıq nəticə ilə balans hərəkətləri üzrə akrobatika yarışlarında final mərhələsinə çıxıb.

Teleqraf.com-un məlumatına əsasən, komandanı yarışlarda Nərmin Ramazanova, Lalə Hüseynova və Aynur Hüseynova təmsil edib.

Təsnifat nəticələrinə görə, azərbaycanlı idmançılar beşinci yeri tutub.

10:08

Birinci Avropa Oyunları çərçivəsində gimnastika yarışlarının növbəti mərhələsinə start verilib.

Trend-in məlumatına görə, kişilər və qadınlar arasında akrobatika, aerobika, batut gimnastikası, həmçinin bədii gimnastika üzrə təsnifat yarışları keçirilir.

Bədii gimnastikada qrup çoxnövlülüyü üzrə qaliblər bu gün müəyyən ediləcək.

11:23

Azərbaycan gimnastika yığması çoxnövçülük üzrə çıxış edib.

Uğurlu çıxış edən komandamız 16,650 xal toplamaqla 7-ci pillədə qərarlaşıb.

Yarışlar davam edir.

***

Qrup lent üzrə bədii gimnastika yarışları davam edir.

Cədvələ 17,350 xalla İspaniya və İsrail komandaları liderlik edir. Üçüncü yerdə 17,050 xalla Ukrayna komandası qərarlaşıb.

Yarışlar davam edir.