Məcburi əsgərliyi bərpa etdilər - Qadınlar da xidmət edə biləcək

Serbiya Prezidenti Aleksandr Vuçiç ölkədə məcburi hərbi xidmətə çağırışın bərpa olunması haqqında fərman imzalayıb.

Teleqraf.com xəbər verir ki, Serbiya lideri ölkənin güclü orduya ehtiyacının olduğunu deyib.

“Ümid edirəm ki, güclü orduya nə qədər ehtiyacımız olduğunu başa düşürsünüz. Biz heç kimə hücum etmək fikrində deyilik, amma bizi təhdid edənləri çəkindirmək istəyirik”, - Vuçiç bildirib.

Xidmət müddəti 75 gün nəzərdə tutulub, kişilər üçün məcburi olacaq, qadınlar da könüllü olaraq xidmət edə biləcəklər.

Serbiya 2011-ci ildə məcburi hərbi xidməti ləğv etmişdi.