5 Mart 10:47
7 632

“Ermənistanın ikinci prezidenti Robert Köçəryan son müsahibəsində Rusiya rəhbərliyinə ilk növbədə hərbi çevriliş ehtimalı ilə bağlı yanaşmalarını çatdırmaq istədi”.

Teleqraf.com xəbər verir ki, bunu erməni siyasi eksperti Vigen Akopyan deyib.

Akopyana görə, hazırda Ermənistanda başda Rusiya olmaqla bir çox xarici KİV-in nümayəndələri var: “Köçəryana olduqca çox maraq göstərirlər. Eyni zamanda, mesajların çoxu Rusiya cəmiyyətinə deyil, siyasi, hərbi və iqtisadi elitaya göndərilir. Bəlkə də Köçəryan hesab edir ki, hərbi çevrilişlə hakimiyyətə və ya etirazlar rus siyasi elitası ilə əlaqələri qıra bilər”.

Akopyanın fikrincə, Köçəryan hərbi çevrilişi hökuməti dəyişdirməyin yeganə yolu hesab etmir:

“İndi müxalifət guya "A" planını həyata keçirir. Baqramyan küçəsini bağlayıb, Baş nazir Nikol Paşinyanın mövqeyini zəiflətmək üçün təzyiq göstərməyə çalışırlar. İkinci seçim şiddət olmadan mümkün qiyam və ya vətəndaş itaətsizliyidir.

Hərbi çevriliş üçüncü yoldur. Digər tərəfdən, dünyada belə hadisələr tez-tez baş verir. Son onilliklərdə, medianın verdiyi məlumatlara görə, 1500-ə yaxın belə çevriliş baş verib. Eyni zamanda, post-sovet məkanında xüsusi hərbi çevriliş olmayıb. Anladığım qədəri ilə Köçəryan demək istəyir ki, hərbi çevriliş qorxmalı müstəsna bir fenomen deyil. Dünyada belə şeylərin olduğunu göstərməyə çalışdı - ilk mərhələdə çevriliş digər ölkələr tərəfindən qınansa da...”

Akopyan müxalifətin küçə aksiyaları ilə Baş nazir Nikol Paşinyanı istefaya məcbur edə bilməyəcəyini iddia edib. Bununla belə, Köçəryan və ətrafındakı müxalifətin hakimiyyəti hərbi çevriliş yolu ilə ələ keçirəcəyinə də şübhəylə yanaşır.


Müəllif: Mənsur Rəğbətoğlu