Çin yeddi aydır niyə İrəvana səfir göndərmir? – Pekindən yeni qərar

Çin tezliklə Ermənistana yeni səfir təyin edəcək.

Teleqraf.com xəbər verir ki, bu barədə Çinin Ermənistandakı müvəqqəti işlər vəkili Çen Min məlumat verib.

Diplomat yeni səfirin təyin edilməsinin Ermənistan-Çin münasibətlərinin yeni zirvələrə yüksəldilməsi baxımından başlanğıc olacağını vurğulayıb: “Ermənistanda Çinə maraq durmadan artır”.

Xatırladaq ki, yeddi aya yaxındır Çinin Ermənistanda səfiri yoxdur. Ermənistan mediası bunu İrəvanın Çinə qarşı Pekində xoş qarşılanmayan üç addımı ilə izah edib:

Birincisi, Ermənistanın Pekinin nəqliyyat dəhlizləri ilə bağlı “Bir Kəmər, Bir yol” layihəsinə qətiyyən maraq göstərməməsi;

İkincisi, Ermənistanın ABŞ-nin Çinə qarşı qurduğu Dini Azadlıq Alyansının üzvü olaraq qalması;

Üçüncüsü, Tayvan iqtisadiyyat nazirinin İrəvanda yüksək səviyyədə qəbul edilməsi.