Qəzaya düşən Mirmahmud Mirəlioğlu danışdı - "Həm hərbi maşına, həm də..."

KXCP sədri Mimahmud Mirəlioğlu keçirdiyi qəza barədə Teleqraf.com-a açıqlamasında bildirib ki, hazırda hər şey qaydasındadır.

"Avtomobili mən idarə etmirdim, başqasının maşını idi. Həm hərbi maşın, həm də bizim olduğumuz maşına ziyan dəyib, şükür salamatlıqdır", - deyib.

***

15:12

KXCP sədri Mimahmud Mirəlioğlunun da olduğu avtomobil qəzaya uğrayıb.

Teleqraf.com azpost.info-ya istinadən bildirir ki, hadisə sentyabrın 7-də baş verib.

Şirvan şəhərindən toydan Bakıya qayıdarkən yolda sürətlə şütüyən hərbi yük maşınının təkəri qəfildən qoparaq arxadan gələn Mirmahmud Mirəlioğlunun olduğu avtomobilə dəyib.

Zərbə nəticəsində avtomobilə ciddi ziyan dəysə də, sərnişinlərin heç biri xəsarət almayıb.