16 yaşlı məktəbli helikopter yandırdı

Omskda iki məktəbli aviabazada Mi-8 helikopterini yandırıb.

Teleqraf.com xəbər verir ki, bu barədə yerli mətbuatda məlumat yayılıb.

Bildirilib ki, şagirdlər helikopteri “Molotov kokteyli” ilə məhv edib. Hadisədən sonra onlar qaçsalar da, tezliklə həbs ediliblər.

16 yaşı olan yeniyetmələr Teleqram vasitəsilə təklif aldıqlarını, orada yanğın törətmək üçün onlara 20 min dollar vəd edildiyini, lakin pulun ödənilmədiyini bildiriblər.

Qeyd edək ki, analoji hadisə 11 sentyabrda Yamalo-Nenets Muxtar Dairəsinin Noyabrsk şəhərində qeydə alınmışdı.