"Beşiktaş" norveçli baş məşqçi ilə anlaşdı

Norveçli baş məşqçi Ole-Qunnar Sulşer Türkiyənin “Beşiktaş” klubuna rəhbərlik edə bilər.

Teleqraf.com xəbər verir ki, bu barədə insayder Fabritsio Romano məlumat yayıb.

Onun sözlərinə görə, İstanbul təmsilçisi 51 yaşlı mütəxəssislə sözlü razılaşma əldə edib. Ötənlərin tanınmış hücumçusu müqavilə imzalamaq üçün bu gün İstanbula səfər edəcək.

Qeyd edək ki, Ole-Qunnar Sulşer daha əvvəl Norveçin “Molde”, Uelsin “Kardiff Siti” və İngiltərənin “Mançester Yunayted” komandalarının baş məşqçisi olub.