"Qarabağ" - "Şamaxı": Konsertdən sonra şou?

Bu gün futbol üzrə Azərbaycan Premyer Liqasında XIX tura start veriləcək.

Teleqraf.com xəbər verir ki, ilin ilk oyununda "Qarabağ" və "Şamaxı" kollektivləri üz-üzə gələcək.

Hazırda "köhlən atlar" 47 xalla turnir cədvəlində birinci, Şamaxının eyniadlı təmsilçisi isə 17 xalla yeddinci pillədə qərarlaşıb. Cari mövsümdə tərəflər iki dəfə qarşılaşıblar. "Qarabağ" bu oyunlardan birində 3:0, digərində 1:0 hesabı ilə qalib gəlib.

Əsas qol silahlarından olan Juninyo ilə yollarını yenicə ayırmış meydan sahiblərinin bu oyundan hansı nəticə ilə ayrılacağı maraqla gözlənilir.

“Qarabağ” 2025-ci ilin ilk rəsmi oyununda azarkeşlər üçün konsert şousu da təşkil edəcək.

Tofiq Bəhramov adına Respublika Stadionunda keçiriləcək görüş saat 19:00-da başlanacaq.

Azərbaycan Premyer Liqası, XIX tur

17 yanvar (cümə)

19:00. “Qarabağ” – “Şamaxı”
Hakimlər: Elçin Məsiyev, Pərvin Talıbov, Asiman Əzizli, Fərid Hacıyev
VAR: Nicat İsmayıllı
AVAR: Eyyub İbrahimov
Hakim-inspektor: Babək Quliyev
AFFA nümayəndəsi: Zaur Hacı-Məhərrəmov
Tofiq Bəhramov adına Respublika Stadionu.

Qeyd edək ki, turun digər görüşləri 18-19 yanvarda olacaq.