Dövlətsatınalmalarında orta iştirakçı sayı 2 dəfəyədək artdı

Dövlətsatınalmalarına daha çox iştirakçının cəlb olunması rəqabətliliyin artmasını, sahibkarlığın inkişafını və iqtisadi artımı stimullaşdırır.

Teleqraf.com xəbər verir ki, bu barədə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli sosial şəbəkə hesabında qeyd edib.

O bildirib ki, 2024-cü ildə elektron dövlət satınalmalarında yekunlaşmış müsabiqələr üzrə orta iştirakçı sayı 6,4 təşkil edib. 2023-cü il ilə müqayisədə müsabiqələrdəki orta iştirakçı sayında 2 dəfəyədək artım müşahidə edilib.