Avropa Liqası: "Qarabağ" böyük hesabla uduzaraq, sonuncu yeri tutdu - Yenilənib

Yunanıstanda "Olimpiakos" və "Qarabağ" komandaları arasında keçirilən UEFA Avropa Liqasının Liqa mərhələsinin VIII tur oyunu başa çatıb.

Teleqraf.com xəbər verir ki, görüş meydan sahiblərinin qələbəsi ilə yekunlaşıb - 3:0. İlk iki qolu 56-cı və 60-cı dəqiqələrdə "Olimpiakos"un mərakeşli hücumçusu Ayub El Kaabi vurub. 89-cu dəqiqədə isə Culian Biankon yekun nəticəni müəyyənləşdirib.

Bununla da Yunanıstan komandası xallarını 15-ə çatdıraraq, 7-ci yeri tutub və birbaşa 1/8 finala vəsiqə qazanıb. "Qarabağ" isə 3 xalla 36 komanda arasında sonuncu pilləyə enib. Azərbaycan təmsilçisi həm də hamıdan çox - 20 top buraxıb.

***

Yunanıstanda "Olimpiakos" və "Qarabağ" komandaları arasında keçirilən UEFA Avropa Liqasının Liqa mərhələsinin VIII tur oyununda üçüncü qol vurulub.

Teleqraf.com xəbər verir ki, 89-cu dəqiqədə künc zərbəsindən sonra Culian Biankon fərqlənib - 3:0.

***

Yunanıstanda "Olimpiakos" və "Qarabağ" komandaları arasında keçirilən UEFA Avropa Liqasının Liqa mərhələsinin VIII tur oyununda ikinci qol vurulub.

Teleqraf.com xəbər verir ki, 60-cı dəqiqədə Ayub El Kaabi qapıçı ilə təkbətəkdən fərqlənib - 2:0.

***

Yunanıstanda "Olimpiakos" və "Qarabağ" komandaları arasında keçirilən UEFA Avropa Liqasının Liqa mərhələsinin VIII tur oyununda hesab açılıb.

Teleqraf.com xəbər verir ki, 56-cı dəqiqədə meydan sahiblərinin futbolçusu künc zərbəsindən sonra Ayub El Kaabi fərqlənib - 1:0.

****

Yunanıstanda "Olimpiakos" və "Qarabağ" komandaları arasında keçirilən UEFA Avropa Liqasının Liqa mərhələsinin VIII tur oyununda ilk yarı başa çatıb.

Teleqraf.com xəbər verir ki, komandalar fasiləyə qolsuz bərabərliklə çıxıblar - 0:0.

***

Yunanıstanda "Olimpiakos" və "Qarabağ" komandaları arasında UEFA Avropa Liqasının Liqa mərhələsinin VIII tur oyunu start götürüb.

Teleqraf.com xəbər verir ki, "Georgios Karaiskakis" stadionunda təşkil olunan qarşılaşmanı Radu Petreskunun rəhbərliyi ilə rumıniyalı hakimlər briqadası idarə edir.

"Qarabağ" 7 turdan sonra 3 xalla 34-cü, "Olimpiakos" isə 12 xalla 12-ci pillədə qərarlaşıb. Artıq ən azı pley-off mərhələsinə vəsiqəni təmin etmiş Pirey klubu qələbə qazanacağı təqdirdə, birbaşa 1/8 finala yüksələ bilər. "Qarabağ" isə artıq bütün şanslarını itirib.

UEFA Avropa Liqası

Liqa mərhələsi, VIII tur

31 yanvar

00:00. "Olimpiakos" (Yunanıstan) - "Qarabağ" (Azərbaycan) - 3:0

Qollar: Ayub El Kaabi, 56; 60. Culian Biankon, 89

Hakimlər: Radu Petresku, Radu Ginqulyak, Mirça Mihail Qriqoriu, Marsel Birsan

VAR hakimləri: Katalin Popa, Sebastian Koltesku

Hakim-inspektor: Gediminas Majeyka (Litva)

UEFA nümayəndəsi: Mario Duran (Bosniya və Herseqovina)

"Georgios Karaiskakis" stadionu.