Bu səhvlər davamlı acmanıza səbəb olur - 6 yanlış

Bazar ertəsi başlayan və həftə sonuna qədər pozulan pəhrizlərin uğursuz olmasında ən əhəmiyyətli faktorlardan biri davamlı aclıq hissi və bununla mübarizə aparmağa çalışmaqdır. Diyetoloqlar bildirir ki, aclıq və toxluq mexanizminin orqanizmdə fərqli təsirləri var.

Teleqraf.com insanların davamlı acmasına səbəb olan altı mühüm xətanı təqdim edir:

Az su içmək:

Daim ac hiss etməyinizin səbəbi gün ərzində daha az su içməyiniz ola bilər. Vücudunuz aclıq və susuzluq siqnallarını zaman-zaman qarışdırdığı üçün susuzluğunuzu aclıqla səhv sala bilərsiniz.

Aclıq hiss etdiyiniz zaman ilk növbədə bunun yalançı aclıq hissi olacağını düşünün, bir stəkan su için və bir müddət sonra vəziyyətə baxın .

Çox miqdarda sadə və işlənmiş karbohidratların istehlakı:

Gün ərzində qəbul etməyiniz lazım olan karbohidratın çoxunu sadə karbohidratlardan (şirniyyat, xəmir, peçenye, tort, şokolad və s.) alsanız, qan şəkərindəki ani dalğalanmalar səbəbindən yeməkdən qısa müddət sonra yenidən aclıq hiss edə bilərsiniz. Uzunmüddətli toxluq hissini təmin etmək üçün qida rasionunuza daha mürəkkəb karbohidratlar (tam taxıl, yulaf, bulqur, kəpək, qarabaşaq yarması və s.) diyetinizdə daha çox yer verin.

Kompleks karbohidratlar da yüksək lif tərkibinə malik olduğundan, mədənin boşalma sürətini yavaşladır və sizi daha uzun müddət tox saxlayır.

Sürətli yemək və çox çeynəməmək:

Günümüzdə sürətli, ayaqüstü qəlyanaltı eləmək və yeyərkən başqa işlərlə məşğul olmaq, çeynəmədən böyük loxmaları udmaq iştah mexanizminə mənfi təsir edən davranışlardır. Yemək yeyərkən 20 dəqiqədən daha sürətli istehlak etdiyiniz zaman beyninizdə fizioloji doyma siqnalı olmayacaq.

Bu vəziyyətdən qaçmaq üçün süfrəyə oturaraq, minimum 20 dəqiqənizi özünüzə ayırmalı, bütün diqqətinizi boşqabınızdakı yeməyə yönəltməklə qidalanmanı tamamlamalısınız.

Yeməklərə bütün qida qrupları daxil edilmir:

Tətbiq etdiyiniz pəhrizlərdə toxluq hissini təmin etməyin başqa bir mühüm yolu da yeməyinizdə karbohidrat, zülal və yağ qrupundan olan qidaları daxil etməkdir.

Karbohidratlar və ya zülallar kimi məhdud çeşidli yalnız bir növ pəhriz yemək yeməkdən dərhal sonra yenidən aclıq hiss etmənizə səbəb olacaq.

Yeməklərdən imtina və ya yemək zamanı kifayət qədər kalori almamaq:

Pəhrizlərdə yol verilən digər mühüm səhv kalori qəbulunu azaltmaq üçün gün ərzində səhər yeməyi kimi vacib bir yeməkdən imtina etməkdir.

İmtina olunan yeməklər nəticədə gün boyu davamlı aclıq hissi maddələr mübadiləsi sürətini yavaşladar və bədənin stress səviyyəsini artırır. Eyni şəkildə yemək vaxtını ötürmək və alınması lazım olan kalorilərin çox altında qalaraq qəlyanaltı yemək də aclıq hormonlarının artmasına səbəb ola bilər.

Fəaliyyətsizlik:

Müntəzəm məşq etmək insulin ifrazını idarə etmək üçün təsirli vasitədir. Gün ərzində çox hərəkətsiz olmaq insulin ifrazının artmasına səbəb olaraq yemək istəyini gücləndirər.