Facebookdan bir gündə 1 milyard insan istifadə edib

Facebookdan bir gün ərzində 1 milyard insan istifadə edir.

Publika.az xəbər verir ki, bu barədə Facebookun icraçı direktoru Mark Zukerberq deyib.

"Bazar ertəsi günü dünya əhalisinin hər 7-dən 1-i dostları və ailələri ilə Facebook vasitəsi ilə təmas qurub. Açıq və əlaqəli dünya daha yaxşı dünya deməkdir. Bu, dostluqları dərinləşdirməklə yanaşı, daha güclü iqtisadiyyat, daha güclü imkanlar deməkdir", - Zukerberq əlavə edib.

Facebook hər ay 1.5 milyard insanın istifadə etdiyi nəhəng şəbəkə hesab edilir.

Zukerberq Facebook-u 2004-cü ildə Harvard Universitetində təhsil alarkən təsis edib.