Bolqarıstan Prezidenti I Avropa Oyunlarının bağlanış mərasimində iştirak edəcək

Bolqarıstan Prezidenti Rosen Plevneliyev Bakıda I Avropa Oyunlarının bağlanış mərasimində iştirak etməyi planlaşdırır.

Bu barədə Trend-ə diplomatik mənbə xəbər verib.

Bolqarıstan Prezidenti səfər çərçivəsində həmçinin Azərbaycan rəsmiləri ilə danışıqlar aparacaq.

Xatırladaq ki, I Avropa Oyunlarının açılış mərasimində Bolqarıstanı Baş nazir Boyko Borisov təmsil edəcək. Nümayəndə heyətinə Bolqarıstanın Milli Olimpiya Komitəsinin sədri və İdman naziri də daxildir.