Ukrayna ordusu Kurskda irəliləyir - Əks-hücuma keçdilər

Ukrayna ordusu Rusiya qüvvələrinin Kursk vilayətində 6 dalğada həyata keçirdiyi hücumlarının qarşısını alıb. Ruslar hücumda 50 tank, piyada döyüş maşınları, zirehli personal daşıyıcıları və mülki texnikalardan istifadə ediblər.

Teleqraf.com xəbər verir ki, bu barədə ABŞ-nin Müharibə Araşdırmaları İnstitutu (ISW) məlumat yayıb.

Mənbə hücum zamanı Rusiyanın çoxlu sayda texnikasının məhv edildiyini bildirib.

Həmçinin hesabatda vurğulanır ki, ruslar Suca şəhəri ərazisində intensivləşdirilmiş mexanikləşdirilmiş hücum zamanı iki yaşayış məntəqəsini - Leonidov və Aleksandriyanı geri almağa nail olublar.

Rusiya ordusu Poqrebki yaxınlığında da irəliləyib. Rus hərbçiləri artıq bu kəndin onların nəzarətində olduğunu iddia etsələr də, ABŞ institutu bunu təsdiqləməyib.

Ukrayna Silahlı Qüvvələri də Sucanın şimal-qərbinə doğru irəliləyib. Ukraynalılar Poqrebka, Novaya Soroçina (Sucanın şimal-qərbi), Staraya Soroçina və Nikolayevkada əks-hücuma keçiblər.