Kaliforniyada meşə yanğınları sürətləndi - Həlak olanların sayı artır

ABŞ-nin Kaliforniya ştatında davam edən meşə yanğınları zamanı həlak olanların sayı 10-a çatıb.

Teleqraf.com xəbər verir ki, bu barədə “BBC” məlumat yayıb.

Bildirilib ki, hazırda hadisə qurbanlarının şəxsiyyəti müəyyənləşdirilir və bu proses bir neçə həftə çəkə bilər.

Səlahiyyətli şəxslər ölü sayının artacağını diqqətə çatdırıblar.

Qeyd edək ki, Kaliforniyanı cənginə alan yanğınlar Los-Anceles və ətraf yerlərdə 30 min hektardan çox ərazini külə çevirib.

Yanğınsöndürmə əməliyyatlarına təxminən 800 əməkdaş cəlb olunub.

Yanğınlar zamanı Paris Hilton, Billi Kristal və Entoni Hopkins də daxil olmaqla, bir sıra məşhur Hollivud ulduzlarının mülkləri yanıb.

Vəziyyətlə əlaqədar ötən gün prezident Cozef Bayden Kaliforniya ştatında fövqəladə vəziyyət elan edib.