Qəzza ilə bağlı yeni saziş üzrə danışıqlar bu tarixdə başlayacaq

Qəzzada atəşkəs razılaşmasının ikinci mərhələsi üzrə danışıqlar iki həftədən sonra başlayacaq.

Teleqraf.com xəbər verir ki, bu barədə HƏMAS-ın İordan çayının qərb sahilindəki bölməsinin rəhbəri Zahir Cabarin bildirib.

“İki həftədən sonra sazişin ikinci mərhələsi üzrə danışıqlar başlayacaq və bu müddət ərzində üç əsas məqam müzakirə olunacaq: İsrail qoşunlarının Qəzzadan tam çıxarılması, anklavda daimi atəşkəs və bütün girovların dəyişdirilməsi",- Cabarin qeyd edib.