FHN Daşkəsəndəki ağır yol qəzası ilə bağlı məlumat yaydı

Fövqəladə Hallar Nazirliyi Daşkəsən rayonunda baş verən yol-nəqliyyat hadisəsi barədə məlumat yayıb.

Qurumun mətbuat xidmətindən Teleqraf.com-a verilən məlumata görə, FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə dərhal hadisə yerinə cəlb olunublar.

Əməliyyat şəraiti qiymətləndirilərkən müəyyən olunub ki, “Ural” markalı yanacaq daşıyan avtomobil dərəyə aşıb, 2 nəfər köməksiz vəziyyətdə qalıb.

Həyata keçirilən xilasetmə tədbirləri nəticəsində sıxılmış vəziyyətdə qalan 2 nəfərin meyiti çıxarılaraq aidiyyəti üzrə təhvil verilib.