“Qarabağ” “Turan Tovuz”la oyunda yenə xal itirdi

Bu gün Misli Premyer Liqasında 12-ci tura start verilib.

Teleqraf.com xəbər verir ki, ilk gündə 2 matçdan 1-i keçirilib. Əvvəlcə "Turan Tovuz" öz meydanında son çempion "Qarabağ"la qarşılaşıb. Oyun qolsuz heç-heçə ilə bitib.

Beləliklə, turnir cədvəlində "Qarabağ" 28 xalla liderdir. Ağdam təmsilçisinin ehtiyatda 1 oyunu da var. "Turan Tovuz" isə 25 xalla 2-cidir. Bu mövsüm sözügedən komandalar arasında ilk oyun Tovuz təmsilçisinin 1:0 hesablı qələbəsi ilə başa çatıb.

Günün 2-ci görüşündə isə "Araz-Naxçıvan" "Neftçi" ilə üz-üzə gələcək.

Qeyd edək ki, 12-ci turun digər görüşləri 2 və 3 noyabr tarixlərində keçiriləcək.