Zəngilanda bina tikintisi ilə bağlı 5 milyon manatlıq tender

Zəngilan şəhər inzibati binasının tikinti işləri ilə bağlı tender elan edilib.

Teleqraf.com dövlət satınalmalarının vahid internet portalına istinadən xəbər verir ki, müsabiqənin sifarişçisi Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti publik hüquqi şəxsdir.

Tikinti işləri üzrə ehtimal edilən qiymət 5.265.709,81 manatdır.

Müsabiqədə iştirak etmək istəyən şirkətlər təkliflərini fevralın 20-nə qədər təqdim etməlidirlər. Zərflər elə həmin gün açılacaq.

Tenderdə iştirak haqqı 1500 manatdır.